Na kuminsamentu di Kuaresma, laga nos saminá nos manera di papia, di pensa i di aktua komo hende ku ta kere den e mensahe di Hesus i ku ta deseá di biba di akuerdo kun'é.Na kuminsamentu di Kuaresma, un tempu ku ta konsistí di un kaminda di preparashon spiritual mas intenso, e Liturgia ta bolbe proponé na nos, tres práktika penitensial na kual e tradishon bibliko Kristián ta duna gran balor: -e orashon, e ayuno i e limosna,- pa asina nos selebrá Pasku mihó i, di e forma aki, krea e eksperiensia ku Dios, ku manera nos ta skucha durante di e Vigilia di Pasku, "ta kore ku e piká nan; ta laba e kulpa nan, i ta debolbé e inosensia na esnan ku a kai".
Den e mensahe di Kuaresma, e aña aki mi ta deseá pa reflekshoná spesialmente riba e balor i e sentido di "ayuno". Echo ta, ku Kuaresma ta rekordá nos e kuarenta dia nan di ayuno ku Señor a biba den desierto promé ku el a kuminsá su mishon pùbliko.
Na mesun momento, e ayuno ta yuda nos na tuma konsenshi di e situashon den kual hopi di nos ta biba. Pesei, ku den kada famía i komunidat Kristián nos balorá e Kuaresma aki, pa alehá for di tur loke ta distraí e spiritu i pa intensifiká loke ta alimentá e alma i ta habri'é na e amor di Dios i Su prohimo. Mi ta pensa spesialmente, ku un mayó empeño den orashon, den e partisipashon aktivo na e Eukaristía, spesialmente na e Santa Misa riba djàdumingu.
Ku e disposishon interior aki nos ta drenta den e klima penitensial di Kuaresma. Ku Birgen Maria kompañá nos, i sostené nos den e esfuerso pa liberá nos kurason di e sklabitut di piká. Ku e deseo aki, i sigurando mi orashon nan pa ku kada kreyente i kada komunidat eklesial por pasa pa un itinerario Kuaresmal probechoso; mi ta duna boso tur di kurason, e Bendishon Apostoliko.
Vatikano, 11 di desèmber 2008 Benedictus PP. XVI
Resa, anto di e forma aki: "Nos Tata ku ta na shelu"... ~ Mateo 6, 9 ~
.jpg)
No comments:
Post a Comment