Kor Vivienne Frans i Kompania 25 Aña Kantando pa Señor Su nòmber

Salmo 96:2 "Kanta pa Señor, alsa Su nòmber, proklamá Su salbashon tur dia bai"

WILLEMSTAD- 19 di Yanüari 2009
Den fin di siman tras di lomba, Kor Viviënne Frans & Kompania a selebrá su di 25 aña di eksistensia tresiendo e Palabra di Dios kantá. Na honor di esaki e Kor a kanta gloria i alabansa na Dios na Misa di Suffisant auspisiá pa Pastor Morrisson La Porte.

25 Aña kantando pa Señor- Kon tur kos a kuminsa?
Wèl, tur kos a kumisa asinaki: Na okashon di un sakrifisio di misa pa gradisimentu pa 40 aña di bida matrimonial di nos mayornan, nos outornan Benny i Gloria Frans-Bonifacia, nos, rumannan Frans; konsorsio i ñietunan a forma un grupo koral-musikal di e legítimo nukleo di Papí ku Mamí Frans. Ku un estilo propio e di promé, di dos i di tres generashon a sigi, anto un dia riba sugerensha di un amigu Ced-Ride", e grupo a tuma e nòmber: "VIVIENNE FRANS & COMPANY". Na tur amigu i konosí ku den kurso di tempu a yega di forma parti di nos Kor, di kurason, mil danki. Awe, 25 aña despues e Kor ta na enkargo di e di tres generashon, ketu bai ku un propio estilo, e prome, di dos, di tres i di kuater generashon ta sigi segun boluntat di Dios i semper pa gloria di Dios, i den SU nòmber.