LeMonique: The Launging of: ONTOP Magazine

ONTOP Magazine ta un revista na papiamentu trahá aki

na nos dushi Kòrsou dor di nos propio hendenan.

ONTOP Magazine ta un revista “full koló” na un nivel profeshonal.

E kalidat i e dinamismo di e revista aki ta reflehá den su forma profeshonal ku ilustrashonnan i entrevistanan hasí pa personanan kalifiká riba diferente tereno den nos komunidat.

ONTOP Magazine ta identifiká su mes komo un revista pa nos personanan dinámiko i tin diferente informashon nan valioso kon pa e.o. kuida bo kurpa, kome salú, makiyahe, moda i hopi mas.

ONTOP Magazine ta konsistí di entrevistanan informativo,

chistoso, sensual i sigur hopi ilustrashon.

Tep pa Bo Salú

Teksto di beibel: "Henter Skritura ta inspirá pa Dios i ta útil pa duna siñansa, refutá i korigi pa instruí kon biba un bida rekto". ~ 2 Timoteo 3:16

Tep di Siman:
BRONKITIS
Bronkítis ta un malu di infekshon di kanal di rosea (bronki).
For di promé biaha ku haña bronkítis mester kur’é masha bon, sino e persona ta keda hañ’é kada bes.
~ Por herebé sèlder den lechi i bebe kayente.
~ Tambe por bebe te di Palu-dushi ku miel aden.
~ Por machiká yerba di hole ku nétumuskat den Zeta di Koko, poné anochi riba fòntanèl i despues mara e kabes e ta los tur sleim. E ta bon pa pashènt di asma tambe.
~ Por traha un kataplan na siguiente manera: traha un pasta di manteka-bela ku nétumuskat raspá aden. Poné riba un paña i bolté riba pechu di e pashènt. Poné anochi i kité mainta, e ta kita ronkamentu.