BE BLESSED

"Some weeks ago I read in NOBO, our local newspaper an article of 'Pagina Katoliko' that explained the meaning of blessing". (Text is in Papiamentu, our native language).

by Gwendell Mercelina Jr.: WEN

Nifikashon di Bendishon

Bendishon ta invoká e apoyo aktivo di Dios pa bienestar di e persona, e ta papia di agradesimentu, e ta trese prosperidat i felisidat den e persona ku ta risibí bon deseonan di nos parti.

Bendishon kuminsá den e hogar, den e relashonnan di mayornan i yunan. Muchanan ku ta risibí e regalu di bendishon di parti di nan mayornan ta risibí un fundamentu firme di amor i aseptashon.

E prinsipio aki tambe ta apliká na e relashon íntimo di pareha. Amistatnan ta profundisá i fortalesé, tresiendo kompañerismo, sanidat i speransa pa hopi ku nunka han risibí un palabra di bendishon. Poder di bida i morto ta den e Palabra.

Na ora di bendishon, ta otorgá bida, no únikamente na esun ku ta risibí e bendishon, sino tambe na esun ku ta duna. Ta p'esei, awe mi ta bendishoná bo, mi bendishon ta bai p'abo, pasobra dor di bendishoná bo di hinter mi kurason, mi ta bendishoná mi mes.