AWE! E Dia di Mi Bida!

No ta eksisti un dia mas bunita ku AWE!

E sòm di hopi ayera ta forma mi pasado. Mi pasado ta konsisti di dianan alegre... i tristu....

Tin di nan bo ta topanan bèk riba un pòtret. Riba nan mi por mira dia mi tabata chikí, dia ku mi a bai skol, dia ku mi a pasa ku mi famia òf amigunan.

Ayera por tabata un dia hopi dushi pero mi no por avansá si kada bes mi keda wak patras, mi por kore e risiko di no mira e karanan ku ta na mi banda. Portá e dia di mañan lo manesé hopi bunita... pero mi no por avansá mirando solamente e horizonte, mi ta kore e risiko di no wak e paisahe ku tin den banda.

Ta pesei mi ta skohe e dia di AWE! Mi gusta lanta ku energia, gosa di un solo kayente òf di tembla di friu, sinti manera kada instante e ta bisa: "presente"!

Mi sa ku e ta kòrtiku, ku tempu ta bula hopi lihe, ku mi no por kambi'e despues. Ayera, mi tabata --Mañan, lo tá -- Pero AWE mi tá!

Pesei AWE, mi ke bisabo ku mi ta stima bo AWE, mi ta skucha bo AWE, mi ta pidi diskulpa pa mi erornan AWE, mi ta yudá bo AWE, mi ta komparti loke mi tin AWE, mi ta hala rosea, mira, pensa, sufri, hole, yora, traha, hari, stima AWE....

AWE mi tin bida; Dios ta kòrda riba mi!